Министерството за животна средина и просторно планирање даде неколку упатства за тоа како треба да се собира отпадот на луѓето кои се во карантин или самоизолација со сомнителен случај во домот.
- Личниот отпад (како хартиени марамчиња, крпи за чистење за еднократна употреба, маски или ракавици) се одлагаат безбедно во вреќи за отпад за еднократна употреба!
- Вреќите наполнети најмногу до 2/3 од нивниот капацитет, спакувани во втора вреќа и убаво затворени, се безбедни за одлагање во вообичаениот контејнер за отпадоци од домаќинството.
- Другиот отпад од домаќинствата се отстранува на вообичаен начин.
- Потребно е носење на заштитна опрема на комуналните работиници, односно сите собирачи на отпад, и применување на претходно изнесената процедура за отстранување на заштитната опрема од страна на сите лица кои ја користат во рамки на своето работење.
