По само десетина дена откако работниците од Одделението “Комунална хигиена“ при ЈКПД “Комуналец го исчистија каналот на ул Крушевска Република се појави нов отпад од мебел, душеци, телевизори и друг разен отпад фрлен од наши несовесни граѓани. Оставаме лоша слика за овој дел од градот кој иако се чисти редовно е полн со отпад. Апелираме до сите граѓани посовесно да се однесуваат и да не се фрла ѓубре во каналот. Сите заедно со нашата култура и совеснот треба да работиме и допринесеме за почиста и поубава околина во која живееме.
